الانتمة بين الولد والبنت؟

السلام عليكم ورحمة الله وبركاته
اولا ازيكم يا احلى اعضاء فى الدنيا
ويـــارب تكونو بخير


خلاص سلمنا ع بعض ندخل فى الموضوع يــلا


بصوا يا جماعه انا جايبة موضوع كده ممكن يكون جديد بس عايزة اخد رايكم فيه
"والاختلاف فى الراى لا يفسد للود قضيه"
على راى الاديب شعبان عبد الرحيم

هو الموضوع بيتكلم على ان يكون انتيم الولد تكون بنت!! وكذلك انتيم البنت يكون ولد !!

انا عرضت الموضوع ده كذا مره ومفيش مره رأى جه زى التانى خالص حبيت اعرضه هنا واشوف رأيكم

وانا طبعا قصدى فى حكايه الانتيم طبعا انتوا عارفين معناها بس ده
هيبقى طبعا لسن محدد عشان فى ناس هتقعد تقول مينفعش طبعا عشان البنت
هتتجوز ومش هينفع والكلام ده فانا كده "بقطع الشورت فى البسين"

يعنى ممكن يبدا فى الثانوى ويفضل فى الجامعه وممكن بعد الجامعه او
ممكن يتقطع فى الجامعه مثلا لو البنت اتخطبطت وخطيبها بقى مش عجباه
الحكايه دى فطبعا البنت هتبيع الواد فى اسرع وقت عشان خطيبها يلا مش كله .

وده طبعا بيفرق من بيئه للتانيه ومش كل الناس زى بعضها يعنى بتختلف فى طريقه واسلوب حياتهم وتربيتهم

بس انا حبيت اعرض التوبيك ده لان ساعات ممكن البنت تفهم الولد اكتر من الولد ويقدر يسالها فى حاجات مثلا هى تبقى ادرى من الولد والعكس برده مع البنت

بس اهم حاجه ان جو الانتمه والصداقه ده مايتقلبش عند اى طرف من الطرفين للحب والا هتبقى مصيبه

يلا عشان انا حاسه انى طولت اوى فى الكلام بس مش مشكله بقى

انا مستنيه ردودوكم وزى ما قال الشاعر
:" بكره السبت ويليه الحد والاتنين والتلات والاربع والخميس والجمعه اجازه":