حظ سعيد ... حظ مهبب - الدنيا حظوظ

تعالوا نشوف يعنى ايه كلمة حظ ... بس بالمعنى المنطقى مش اللغوى

اولا ... فيه حظ سعيد ... وحظ مهبب بعيد عنك

الحظ السعيد مثلا هنقول من امثاله
1.
لما متذاكرش طول السنة ومعتمد ع الغش ويجى حظك فى اللى جبنك فى اللجنة
يكون الطالب اللى دايما يطلع الاول ... لا ويكون شخص متعاون كمان ... يعنى
هتغش هتغش
2. لما تقول لوالدك ادينى عشرين جنيه ويصادف اليوم ده انه يكون عامل شغالنه حلوة كسب فيها كتير يقوم مديك 100 جنيه

3. لما توقف تاكسى وتقوله الحتة الفلانية ويطلع رايح نفس المكان هو كمان
بالصدفة ويحلف عليك ما ياخد فلوس لانه كده كده كان هيروح او ع الاقل ياخد
مبلغ رمزى
4. لما تروح محل تشترى هدوم ويصادف انهم بيصفوا المحل عشان هيقلبوه بتاع عصير وتلقى ابو 100 بقى ب 20 بس
5. لما تركب المينى باص وتلاقى اخر كرسة فاضى جنب ( موزّة ) تخليك عاوز الباص يسافر السودان عشان ماتنزلش وتقوم من جنبها
6. لما تكون راكب نفس الباص مع نفس البنت والطريق يقف عشان الريس معدى من الشارع ده وتقعدلك ساعتين تلاتة جنب القمر ابو ريحة حلوة
7. لما تروح تشتغل فى مكان وفى اول شهر قبض يكون صاحب الشغل ربنا رزقه بطفل صغير يروح صارف للعمال كلها شهر مكافأة

8. لما تعجبك بنت اوى اوى وتروح تتقدملها وانت خايف من طلبات اهلها
تلاقيهم بيقولولك يابنى احنا بنشترى راجل التقيلة علينا والخفيفة علينا
بردو
9. لما تكون ماشى فى الشارع ويقابلك مذيع من برامج المسابقات ويسالك سوال سهل وتجاوب وتكسب جايزة البرنامج ان شالله حتى 25 جنيه
10. واخيرا لمــا يكون معاك فى المنتدى واحد زى لودى .... يبقى اكيد انت محظوظ ... هههههه

طيب نشوف بقى الحظ المهبب

1. لما تكون بتعمل داونلوود لفيلم مساحتة 400 ميجا واما يوصل 99% النور يقطع
2. لما تشترى موبايل جديد وفرحان بيه واول اما تركب موصلات تنساه ع الكرسى وتنزل
3. لما يكون معاك عود كبريت واحد وتيجى تولعه عشان تقضى حاجة ينطفى لوحده
4. لما تيجى تكون خارج مع موزّة حلوة وانت مستنيها... وقبل ما تيجى عربية تقوم معدية تغرقك ميه وسخة ............!!
5. لما تضحك على ابوك وتقوله انا رايح اذاكر عند واحد صاحبى وتلاقيه ع القهوة اللى انت روحتها مستنى واحد هناك
6. لما تلاقى خاتم دهب واقع فى الشارع ولما تروح تبيعه صاحب المحل يبلغ عنك لانه طلع مسروق ومواصفاته عند كل المحلات

7. لما تلعب بلاى ستيشن وفى اول دقيقة الحارس بتاعك ينطرد من غير سبب
وتخسر خسارة مزلة بسببها تبطل البلاى ستيشن ... ( اسالونى انا )
8. لما تعجب ببنت اوى اوى وانت بتبصلها فى مرة ابوها يكون وراك ويديك على قفاك ينسيك اسمك واسم ابوك
9. لما تكون مشتر عربي جديدة وفى اول يوم ليك بيها ركنتها جت عربية تانية وخبطتها وهى واقفة

وغيرها طبعا حاجات كتيييييييييييير اوى اوى
بس فى الاخر مانقدرش نقول غير
الدنيا حظوظ اه
لكن قل لا يصيبنا الا ما كتب الله لنا

كل واحد بقى ياريت يعرف لنا حظ من السعيد والحظ المهبب

تسلم الايادى يا برنس

» حصريا اغنيه سميره سعيد - خليك حر Feat Fnaire- Be A Winner Cd Q 256Kpbs